General Prayers (#6214)

Pili'uhane he ˇAno
*Spiritual Qualities

E ku'u Akua!

Ho'ano hou a ho'ohau'oli i ku'u ˇuhane. Ho'oma'ema'e i ku'u na'au. Ho'omalamalama i ku'u mana. Ke waiho mai nei wau ia'u iho a me ko'u mau pono apau i loko o Kou mau Lima. ˇO ˇOe no ko'u Kia'i a me ko'u Pu'uhonua. ˇA'ole au e kaumaha hou, ˇa'ole e ˇeha'eha hou; He hau'oli nui ko'u a me ka ˇoli'oli imua ou. E ku'u Akua! ˇa'ole au pÔhoihoi no, ˇa'ole au no'ono'o i ka po pilikia. ˇA'ole au e no'ono'o hou i na mea ˇino'ino like ˇole o kÎÔa ola ˇana. 

E ku'u Akua! ˇO ˇOe ku'u hoaloha i oi aku ma mua o ko'u maika'i ia'u iho. Ke ho'omahana nei au iho Nou, E ku'u Haku.

-Bahá'u'lláh
-----------------------

General Prayers (#6210)

Pˆmaika'i i ke Kahua

*Blessed is the Spot
Pˆmaika'i i ke kahua,
a me ka hale,
a me ka wahi,
a me ke k¸lanakauhale,
a me ka na'au,
a me ke kuahiwi,
a me ka pu'uhonua,
a me ke ana,
a me ke awawa, a me ka ˇaina,
a me ke kai,
a me ka moku,
a me ke kula mau'u.
na wahi i ˇolelo ˇia ai ka inoa o ke Akua,
a ho'omaika'i ˇia Kona nani.

-Bahá'u'lláh
-----------------------

General Prayers (#6213)

He Pule o ka Ho'ola ˇana
*Healing Prayer

Kou inoa ku'u ho'ola, e ku'u Akua, a me ka ho'omana'o ˇana ia ˇOe ku'u la'au. I Kou alo ku'u mana'olana a me ke aloha Nou ku'u hoa like.  Kou aloha ia'u ku'u ho'ola a me ku'u maha i loko o ka honua a me ka honua o ka wa ma mua.

ˇO ˇOe ke Akua Ho'olako apau, ke Akua Ho'oia'i'o, ke Akua Ho'ona'auao apau.

-Bahá'u'lláh
-----------------------

General Prayers (#13845)

Pōmaikaʻi kahi, a me ka hale, a me ke kahua, a me ke kūlanakauhale, a me ka naʻau, a me ke kuahiwi, a me ka puʻuhonua, a me ke ana, a me ke awāwa, a me ka ʻāina, a me ke kai, a me ka moku, a me ke kula mauʻu, nā wahi i haʻi ʻia ai ka inoa o ke Akua, a hoʻomaikaʻi ʻia Kona nani.

-Bahá'u'lláh
-----------------------

General Prayers (#13848)

Ua ala mai nei au i ka malu Ou, e kuʻu Akua, a he pono nō i ka mea huli i ia malu ke noho i loko o ka Puʻuhonua o Kou hoʻomalu ʻana mai a me ka Puʻukaua o Kou hoʻopale ʻana mai. E kuʻu Haku, e hoʻomālamalama mai i ka ʻuhane i loko oʻu me nā mea kamahaʻo o ka Māpuna Ao o Kou Hōʻikena, e like lā me Kou hoʻomālamalama ʻana mai i koʻu kino me ke kukuna kakahiaka o Kou lokomaikaʻi.

-Bahá'u'lláh
-----------------------

General Prayers (#13852)

E ke Akua, kuʻu Akua! Ua haʻalele akula au i kuʻu home me ka paʻa mau i ka ʻaha o Kou aloha, a hilinaʻi piha nō au i Kou mālama ‘ana mai a me Kou hoʻomalu ‘ana mai. Noi haʻahaʻa aku au iā ‘Oe, ma Kou mana Āu i hoʻomalu ai i Kou poʻe aloha mai nā mea lalau me nā mea ʻaiā, a mai nā mea hoʻokaumaha lokoʻino me nā mea hana ʻmākonā a pau i ʻauana aʻe a kaʻawale loa iā ‘Oe, e hoʻopale mai iaʻu ma o Kou lokomaikaʻi a me Kou aloha. A laila, e hoʻohiki i ka hoʻina i kuʻu home ma Kou mana a me Kou ikaika. ʻO ʻOe ʻiʻo nō ka Mana Loa, ke Ola i ka wā Pōʻino, ke Kūʻokoʻa.

-Bahá'u'lláh
-----------------------

General Prayers (#13856)

E kuʻu Akua, kuʻu Haku, ke Kumu o kuʻu haʻehaʻe! ʻIʻimi nō kēia, ʻo Kou mea lawelawe, i ka moe ma ka malu o Kou lokomaikaʻi, a i ka maha ma ka nani o Kou aloha, a nonoi aʻe hoʻi i Kou mālama a me Kou hoʻomalu ʻana mai.

Noi haʻahaʻa au iā ʻOe, e kuʻu Haku, e hoʻopale maila Kou maka moe ʻole, i ka ʻike ʻana aʻe o koʻu mau maka i kekahi, koe ʻo ʻOe. E hoʻoikaika hoʻi i ka hiki o nā maka e kūʻike i Kou mau ʻōuli, a e hoʻomaopopo i ka ʻAlihi Lani o Kou Hōʻikena. ʻO ʻOe ka Mea Nona ka hōʻikena o ka mana poʻokela i haʻukeke ai ka mana nui.

ʻAʻohe Akua ʻē aʻe ʻo ʻOe wale nō, ka Mana Loa, ka Lanakila Pau Loa, ke Kaupalena ʻOle ʻIa.

-Bahá'u'lláh
-----------------------

General Prayers (#13857)

E kuʻu Akua ē, e kuʻu Akua! E hoʻolōkahi mai i nā puʻuwai o Kou poʻe kānaka, a e hōʻike mai iā lākou i Kou makemake. E hoʻolohe mai lākou i Kāu mau kauoha a me Kāu kānāwai. E kōkua mai iā lākou, e ke Akua, i kā lākou hana, a e ʻae mai iā lākou i ka ikaika e lawelawe iā ʻOe. E ke Akua! Mai hoʻokuʻu wale mai iā lākou, akā, e alakaʻi i ko lākou ala i ke ao o Kou ʻike, a e hoʻohauʻoli mai i ko lākou mau puʻuwai i Kou aloha. He ʻoiaʻiʻo, ʻo ʻOe nō ko lākou Kōkua, a me ko lākou Haku.

-Bahá'u'lláh
-----------------------

General Prayers (#13865)

ʻO Kou inoa nō koʻu hoʻōla, e kuʻu Akua, a ʻo ka hoʻomanaʻo ʻana iā ʻOe koʻu mea e ola ai. ʻO ka pili nō iā ʻOe koʻu manaʻolana, a ʻo ke aloha iā ʻOe koʻu hoa pili. ʻO Kou aloha iaʻu koʻu hoʻōla a me koʻu kōkua i kēia ao nei, a me ke ao e hiki mai ana. He ʻoiaʻiʻo hoʻi, ʻo ʻOe nō ka Lokomaikaʻi, ka ʻIke Loa, a me ka Naʻauao.

-Bahá'u'lláh
-----------------------

General Prayers (#6212)

Ka Ho'oku'u Popilikia
*Remover of Difficulties

ˇA'ole anei kekahi kokua e pale ana i na popilikia koe ke Akua wale no?
E ho'oho (a'e) ˇoukou me ka'i ˇana: E hi'ilani ˇia ke Akua! ˇOia wale no ke Akua! He kaua na mea apau, e noho lakou apau ma lalo o Kona mau kauoha.

-The Báb
-----------------------

General Prayers (#13849)

Aia anei ka Mea Wehe Hihia, koe ke Akua?
Ō ʻī aku: Hoʻonani ʻia ke Akua!
ʻO ia ke Akua!
ʻO nā mea a pau Kāna mau mea lawelawe, a noho nā mea a pau i Kona malu.

-The Báb
-----------------------

General Prayers (#13855)

E ke Akua ē! E hiʻipoli i kēia wahi ka-maliʻi i ke apo o Kou aloha a hānai maila me ka waiū o Kou Malu Lani. E hoʻoulu i nei kupu ma ka māla loke o Kou aloha, a kahu aʻela me ke kilihune ua o Kou waiwai. E ʻae mai i nei keiki i kama o ke aupuni, a e alakaʻi iā ia i Kou ao lani lā. Ikaika a lokomaikaʻi nō ʻOe, a ʻo ʻOe ka Mea Hō Mai, ka Puʻuwai Aloha, ka Haku o ka Waiwai ʻoi loa.

-The Báb
-----------------------

General Prayers (#13863)

Ō ʻī aku: Hoʻolako ke Akua i nā mea a pau ma luna aʻe o nā mea a pau, a ʻaʻohe mea o ka honua nei a me ka lani lā, koe Kāna e hoʻolako ai. ʻO ia ihola nō hoʻi ka Mea ʻIke, ka Mea Mālama, ka Mana Loa.

-The Báb
-----------------------

General Prayers (#6215)

Pule no ka Moana PakÔpika
*Prayer for the Pacific

E ke Akua Hemolele a me ka Mana Loa! E ku'u Akua ˇOlu'olu! E ha'awi mai i ke ikaika nui i hiki ia kakou ke pale aku i na pilikia o ka honua holo'okoa, e ha'awi mai i ka mana nui hekau aku ka ˇale o ko kakou na'au lawelawe e kau aku i ka Moana PakÔpika, e pae aku i na kapa kai o ka Hikina a hiki i ke Komohana.

-`Abdu'l-Bahá
-----------------------

General Prayers (#13846)

ʻO ia nō ke Akua! ʻIke mai ʻOe iā mākou, e kuʻu Akua, i ʻākoakoa mai i nei pākaukau, me ka hoʻonani aku i Kou lokomaikaʻi, me ke kauaheahe pū i Kou Aupuni. E ke Akua! E hānai mai i Kāu ʻai laʻa a e hoʻopōmaikaʻi hoʻi iā mākou. ʻO ʻOe nō ka Mea Hoʻopōmaikaʻi, ka Mea Lokomaikaʻi, ka Mea Aloha.

-`Abdu'l-Bahá
-----------------------

General Prayers (#13850)

E ka Malu Akua ē! Ma neia anaina Kou poʻe makamaka i ʻume ʻia mai i Kou nani a i hoʻā ʻia e ke ahi o Kou aloha. E hoʻololi i kēia poʻe ʻuhane i mau ʻānela lani, e hoʻōla iā lākou me ka hā o Kou ʻUhane Hemolele, e hoʻoulu i ke alelo mīkololohua a me ka naʻau kūpaʻa i loko o lākou, e pāpahi iā lākou me ka mana lani a me ka naʻau aloha, e hoʻololi iā lākou i poʻe hoʻolaha i ke ʻano pūpūkahi o kānaka a i kumu o ke aloha a me ka lōkahi o ke ao kanaka, i pau ai ka pōʻele o ka hoʻokae ʻino ma o ka mālamalamalama o ka Lā o ka ʻOiaʻiʻo, i māʻamaʻama ai kēia ao kuanea, i hiki ai i kēia ao kino ke omo iho i nā kukuna o ke ao ʻuhane, i hui ai nā waihoʻoluʻu ʻokoʻa i waihoʻoluʻu hoʻokahi, a hū aʻela ka leo hoʻonani a hiki i ke aupuni o Kou ʻihi kapu.

ʻO ʻOe ʻiʻo nō ka Mea Mana Loa a me ka Mea Ikaika Loa!

-`Abdu'l-Bahá
-----------------------

General Prayers (#13851)

E ke Akua, e alakaʻi mai iaʻu, e hoʻomalu mai iaʻu, e hoʻolilo iaʻu i kukui mālamalama a i hōkū ʻālohilohi. ʻO ʻoe nō ka Mana Loa a me ka Ikaika.

-`Abdu'l-Bahá
-----------------------

General Prayers (#13853)

E ke Akua ē, kuʻu Akua! E hoʻomālamalama i ka lae o ka poʻe aloha paulele iā ʻOe a e hoʻoulu ihola me ka pūʻali ʻānela o ka lanakila ʻiʻo. E hoʻolaʻa i ko lākou wāwae i Kō ala pono loa, a mai loko mai nō o Kou waiwai kahiko e wehe aʻe ai i nā puka komo o nā pōmaikaʻi Ou;ʻoiai ma Kou ala lākou e hoʻolilo ai i Kāu i hoʻoili mai ai ma luna o lākou, e kūpale ana i Kou Hoʻomana, a e kau ana i ko lākou hilinaʻi i ka hoʻomanaʻo mau ʻana aku iā ʻOe, e kahiau mau ana no ke aloha iā ʻOe me ka ʻauʻa ʻole i ka loaʻa o lākou no ka hoʻonani aku i Kou Nani a no ka ʻimina mau i mea e hauʻoli ai ʻOe.

E kuʻu Haku ē! E kauoha no lākou i ka māhele lēʻia, ka uku pānaʻi paʻa, me ka makana ʻoiaʻiʻo.

He ʻoiaʻiʻo nō, ʻo ʻOe ka Mālama, ke Kōkua, ka Lokomaikaʻi, ka Lako Loa, ka Mea Hō Mau Mai.

-`Abdu'l-Bahá
-----------------------

General Prayers (#13854)

E ke Akua! E aʻo mai i kēia mau keiki. ʻO kēia mau wahi keiki nā lāʻau o Kou māla, ʻo lākou nō nā pua o Kou kula mauʻu, a ʻo nā loke hoʻi lākou o Kou kīhāpai. E ua maila Kou ua ma luna o lākou; e pāhola maila ka Lā Mālamalama ma luna o lākou me Kou aloha. E pā maila Kou makani aheahe iā lākou i hoʻāla hou ʻia ihola, e hiki ai ke aʻo, ulu, mōhala, a kilipohe aʻela. ʻO ʻOe nō ka Hāʻawi. ʻO ʻOe hoʻi ke Aloha.

-`Abdu'l-Bahá
-----------------------

General Prayers (#13858)

E kuʻu Akua, ka Mea huikala i nā lawehala, ka Mea hāʻawi i nā pōmaikaʻi, ka Mea wehe i nā pilikia!

Noi haʻahaʻa nō hoʻi au iā ʻOe e huikala aku i nā hewa a ia poʻe i haʻalele akula i ke kapa kino kanaka a i piʻi aʻela i ke ao lani lā.

E kuʻu Akua! Ō huikala i ka hewa, hoʻokuʻu i ke kaumaha, a hoʻomālamalama i ka pōuliuli o lākou. Ō hoʻokomo aʻela iā lākou i ke kīhāpai ʻoliʻoli, e hoʻomaʻemaʻe iā lākou i ka wai hemolele, a e ʻae iā lākou e ʻike maopopo i Kou nani kau i ka ʻiuʻiu.

-`Abdu'l-Bahá
-----------------------

General Prayers (#13859)

E kuʻu Akua, e kuʻu Manaʻolana! E kōkua i Kou poʻe aloha e kūpaʻa i Kou ‘Aelike mau, e pili pono i Kou Kumu ʻikea, a e mālama i Kāu mau kānāwai i kau mai ai no lākou ma Kāu Puke ʻIhilani; i mea e kū ai lākou i mau lepa alakaʻi a i mau lama kū o nā Hoa Lani lā, i mau pūnāwai o Kou ʻike palena ʻole a i mau hōkū ʻālohilohi hoʻi e alakaʻi pono ana ma ka lani lipo lā.

He ʻoiaʻiʻo hoʻi, ʻo ʻOe ka Pio ʻOle, ka Ikaika Loa, ka Mana Loa hoʻi.

-`Abdu'l-Bahá
-----------------------

General Prayers (#13860)

E ke Akua lua ʻole! E ka Haku o ke Aupuni! ʻO Kou pūʻali lani kēia mau ʻuhane nei. Me nā Hoa Lani Kehakeha e kōkua mai ai iā lākou nei e kō ai ka lanakila o lākou i mea e kohu ai lākou pākahi i ka pūʻali koa e naʻi i kēia mau ʻāina ma o ke aloha Akua a me ka mālamalama o ke aʻo hemolele.

E ke Akua! Ō kū ʻOe i kākoʻo a i kōkua no lākou, a i ka wao, ke kuahiwi, ke awāwa, ka ulu lāʻau, ke kula ākea, a i nā moana, ʻo ʻOe ka hoa paulele — i hiki ai iā lākou ke hoʻōho ma o ka mana o ke Aupuni a me ka hā o ka ʻUhane Hemolele.

ʻO ʻOe nō ka Mana, ka Ikaika, a me ka Mana Loa, a ʻo ʻOe nō ka Naʻauao, ka Hoʻolono, a me ka ʻIke Loa.

-`Abdu'l-Bahá
-----------------------

General Prayers (#13861)

ʻO ʻOe ke Akua hemolele a mana loa! ʻO ʻOe kuʻu Haku ʻoluʻolu! E hō mai iaʻu i ka mana i hiki iaʻu ke pale aku i ka poʻipū ʻana o nā kini a me nā lāhui o ke ao, a e hāʻawi mai iaʻu i ka ikaika nui i mea e hoʻoholo aku ai i nā nalu o koʻu ʻimi pono, e like me ka Moana Nui Ākea, e pā ai nā kapakai o ka Hikina a me ke Komohana.

-`Abdu'l-Bahá
-----------------------

